Aelodau TAC yn fuddugol yn Efrog Newydd
16 May 2017
Mae dwy raglen a gynhyrchwyd gan gwmnïau annibynnol o Gymru wedi ennill gwobrau yng Ngŵyl Ffilm a Theledu Ryngwladol Efrog Newydd 2017, ac mae un arall wedi cyrraedd y rhestr fer a derbyn tystysgrif i ddynodi hynny.
Y rhaglenni buddugol oedd y ffilm, Yr Ymadawiad – The Passing, a gynhyrchwyd gan Severn Screen mewn cydweithrediad â Boom Pictures a Ffilm Cymru i S4C, a’r rhaglen ddogfen, Philip Jones Griffiths: Ffotograffydd Rhyfel Fietnam, a gynhyrchwyd gan Caryl Ebenezer a Luned Phillips, mewn cydgynhyrchiad rhwng Rondo Media a JTV, cwmni cynhyrchu o Dde Corea. Aberfan: Cantata Memoria a gyrhaeddodd y rownd derfynol, am ddarllediad cyntaf teyrnged Karl Jenkins a Mererid Hopwood i bobl Aberfan hanner can mlynedd wedi’r drychineb a drawodd y gymuned lofaol yn Ne Cymru. Cynhyrchwyd y rhaglen gan Hefin Owen yn Rondo Media i S4C.
Caiff Yr Ymadawiad – The Passing ei darlledu ar S4C yn y dyfodol agos.
Cysylltu â ni
Sioned Haf Roberts – Rheolydd Cyffredinol
Rhif ffôn: 07388 377 478
Ebost: sionedhaf.roberts@tac.cymru
Sioned Harries – Swyddog Gweinyddol
Rhif ffôn: 07443 276 977
Ebost: sioned.harries@tac.cymru
Cyfeiriad
TAC
Rondo Media
Llawr 9
Southgate House
Wood Street
Caerdydd
CF10 1EW