Polisi

Mae gwaith polisi TAC yn ymwneud â’r sefydliadau sy’n gwneud penderfyniadau sy’n effeithio yn uniongyrchol ar y sector cynhyrchu yn ogystal â’r byd darlledu a chynhyrchu ehangach. Mae’r dogfennau wedi eu cyflwyno yn yr iaith wreiddiol.

Mae TAC yn ymwneud yn gyson â nifer o gyrff, yn cynnwys:

Llywodraeth Cymru, ar faterion amrywiol
Pwyllgor Diwylliant, y Gymraeg a Chyfathrebu (DGCh) Cynulliad Cenedlaethol Cymru, mewn ymateb i archwiliadau
Llywodraeth y DU – Swyddfa Cymru ac Adran Digidol, Diwylliant, y Cyfryngau a Chwaraeon (DCMS) – ar faterion sy’n cynnwys sector creadigol Cymru, yr adolygiad annibynnol i S4C ac ymateb DCMS iddo, a’r Gronfa newydd ar gyfer cynnwys plant, y Contestable Fund
Cynrychiolwyr o holl bleidiau gwleidyddol Cymru i drafod y sector cynhyrchu teledu, gan bwysleisio ei bwysigrwydd diwylliannol ac economaidd
Ymchwiliadau Pwyllgorau Seneddol, gan gynnwys y Pwyllgor Materion Cymreig a phwyllgorau DCMS
Ymddiriedolaeth y BBC, Ofcom ac eraill
Bwrdd y BBC ac Awdurdod S4C i drafod materion polisi.

Gallwch ddarllen ein cyflwyniadau diweddar i ymgynghoriadau a phwyllgorau isod.

Mae TAC yn ymwneud â nifer o ymgynghoriadau cyfredol, gan gynnwys adolygiad Ofcom o gynhyrchu rhanbarthol a strwythur Cronfa’r Public Service Contestable Fund.

Os hoffech drafod unrhyw agwedd o bolisïau cyfredol TAC, anfonwch e-bost at Tim Wilson, Ymgynghorydd Polisi a’r Cyfryngau neu ffonio 07909 560374.